सर

सरसर झाडावर

चढे छोटी खारुटली

किती हिची चपळाई

येई झरझर खाली    (१)

सर मोत्यांचे दिसती

वर्णी सावळ्या खुलून

हौस भारीच बाईची

सारे दागिने घालून    (२)

गड सर तानाजीने

केला मावळे साथीने

गड आला सिंह गेला

वदे भूपती खेदाने     (३)

सर नखाची नाहीच

कुणा ह्या वीरांगनेची

तुल्यबळ नाही कोणी

नको तुलना वृथाचि    (४)

सर किताब मानाचा

मान गुरुजी बॉसना

ज्ञान पद प्रतिष्ठेचा

मान उचित सर्वांना     (५)

येता सर वळवाची

दरवळे मृदगंध

होई गारांचा वर्षाव

दाटे अमाप सुगंध     (६)