लाइब्रेरी
प्रोफाइल
स्पर्श
स्पर्श
1 min
405
बनून झुळूक गार वाऱ्याची
जवळी तुझ्या येईन
करून तुला हळुवार स्पर्श
पुन्हा माघारी होईन
होऊन कधी पाऊस सांजवेळी
जवळी तुझ्या येईन
ओघळून तुझ्या गालांवरुन
अधरांना हळुवार स्पर्शून घेईन
बनुनी कधी हवासा स्पर्श
जवळी तुझ्या येईन
नजरेनी नजर घट्ट धरून
मिठीत तुला घेईन
कधी तू उलटशील पान ज्याचे
ते पुस्तक मी होईन
स्पर्श तुझ्या त्या हातांचा
मी मनात साठवून घेईन
कधी बनून विचार डोकाविन
मी तुझ्या मनात
मग बनून आठवण रमेन
मी ही तुझ्याच मृगनयनांत
