लाइब्रेरी
प्रोफाइल
रश्मी
रश्मी
1 min
138
आकाशी चांदणे सांडले
त्यामधुनी नक्षत्र उतरले
बहरला स्पर्शाने निसर्ग ही
कसे आज हे विस्मय घडले
आसमंत दरवळीने भरला
फुल, पाने सुगंधित झाले
अचंबली भ्रमर, पाखरे ही
फुल कोणते उमलून आले
प्रसन्नतेने अवनी सजली
जसे चैतन्य भरून आले
मंद भासली चांदण नक्षी
तेज असे त्या फुला लाभले
रंग फुलाचा जगी सांडता
शिल्प ते साकारले अश्मी
सूर्य उधळतो सहस्त्र हस्ते
आभा फुलास नाव ज्याचे रश्मी
