शब्द तुझे खुलू दे

काय सांगू सख्या तुला;

कशी जगते,कशी राहते,

माझ्या आयुष्यात अशी

दिनरात तुलाच पाहते.

मोजले आतावरी जे 

श्वास होते कोरडे,

टीपू लागे प्रेम स्वप्न;

जे उराशी बाळगते

घेऊ नको वैर कुणासी 

शपथ आहे तुला माझी;

जपुन घे सर्व नाती;

मलाही जप समज तुझी .

काय झाले रे मनाला;

काहीही कळतच नाही;

शहरी सारा दंगा फसाद;

मनात तसाच कल्लोळही.

थांब घाई नको करु;

हा प्रहर जरा ढळू दे;

मी न बोलताही कधी;

तुझे शब्द शब्द खुलू दे.