शब्द प्रतिभेचे देणे

मनोमंदिरी होतसे

प्रतिभेचे आगमन

जावे गुंफित अक्षरे

मना देती समाधान

प्रतिभेची प्रसन्नता

मम मनास भावली 

विषयानुरुप माझी

काव्यराणी प्रसवली

साहित्यवेलीवरील' 

शब्द घोसच फुलांचे 

मनी घोळती रुळती

क्रम जुळती तयांचे

उतरती झरझर

पानी शब्द प्रतिभेचे

शब्दांत व्यक्त होताना

आनंंदाश्रू साफल्याचे

कविताच माझा श्वास

लाभे मना समाधान

प्रतिभेला वंदूनिया

लेखणीस केले म्यान