निरोप घेता घेता

उदास होई , मन पाखरु

नेत्र लागले , अता पाझरु

कैसे सखये , मना सावरु

घेते निरोप , नका विसरु

शब्दा शब्दा , मनी जुळवले

प्रभू कृपेने , काव्या रचले

गोड मानुनी , घ्या चुकलेले

घेते निरोप , डोळे भिजले

आठवणींच्या , हिंदोळ्यावर

झुलले , डुलले , वा-यावर

झुळुक सुखाची , अंगावर

घेते निरोप , जोडूनी कर

क्षमायाचना , आता शेवटी

मनी शब्दांची , जमली दाटी

पदरी घ्याव्या , चुका शेवटी

घेते निरोप , होतील भेटी

कैसे आभार , मानू तुमचे

कृतज्ञता मी , व्यक्त करते

सत्य सुदैवे , मैत्र लाभते

भाग्यवती मी , निरोप घेते