सावित्रीची मी लेक
सावित्रीची मी लेक
शिक्षणाची अखंड क्रांतीज्योती सावित्रीबाई फुले यांना विनम्र अभिवादन आणि माझी ही शब्द सुमनांजली.............
सावित्री माय थोर
शिक्षणाची जननी
कृतार्थ होऊनी ठेविते
माथा तव चरणी //धृ//
माय तुझी हि लेक
होती अजान
तुझ्याच मायेने आज
उभारलीय छान
काय वर्णवु
तुझी थोर महती//१//
चुल अन मुल हे
होते माझे जग
तुझ्याच उभारणीने
मी आज गाठते शिखर
नाही राहिले मी
कुणाची बनून खेळणी//२//
मान अपमान किती
जन्म सोसला
तुझ्याच एका ठिणगीने
आसमंत पेटला
स्त्री शक्तीचा जागर
आता पडतोय अंगवळणी //३//
तु पहा मायी तुझ्या
रोपट्याचे झाले वन
यशाची सर्व शिखरे
घालती लोटांगण
तुझ्याच क्रांतीची
हि नव मशाल पेटली //४//
राहुदे हात नेहमी
आम्हावर
मिळूदे तुझ्या पंखाची
उब जीवनभर
सावित्रीची लेक मी
अशी ललकारी नभी घुमली //५//