सावित्रीबाई फुले

क्रांतीसुर्याची क्रांतीज्योत

नमन तुला सावित्रीमाई

आमच्या शिक्षणासाठी

जन्मभर झटलीस आई

पतीव्रता तू आदर्श नारी

पतीस दिली सदैव साथ

स्त्रीशिक्षणाच्या धुरेसाठी

संकटावरही केलीस मात

दगडगोटे चिखलशेण

सोसलास यांचा मारा

चंदनासम तू झिजुनिया

गंधाळलास ज्ञानगाभारा

अबलांना देऊनी आधार

यशवंताची झालीस आई

पतीनंतरही कार्यधुरेसह  

लढा हा लढलीस गं माई

आदर्शावर टाकू पावले

स्वप्न तुझे करु गं साकार

शिक्षणाच्या गं बळावरच

नव्या पिढीला देऊ आकार!!!