सानुली परी
सानुली परी
एकदा एक परी खुप हिरमुसली
चांदण्यांच्या समूहात लपून बसली
समजावयाला गेले चंदामामा
परीने त्यांना लावले कामा
बोलली चांदण्या तुमच्या चमकदार
मला मात्र झेपेना पंखांचा भार
मला सुद्धा चमकायचे आहे
पंखांचे ओझे फेकायचे आहे
चंदामामा ने परीला खूप विनवले
पंखांचे महत्त्वही पटवून दिले
तरी देखील परीराणी ना समजली
पंख फेकून देवुन उडू लागली
पंखाविना धप्पकन खाली पडली
मुळूमुळू रडत घरात गेली
चंदा मामाला तिची दया आली
परिराणीला लिमलेटची गोळी दिली
परिराणी खुदुखुदु हसू लागली