जोडी लक्ष्मीनारायणाची

जशी रामजानकीची

अयोध्येत शोभे जोडी

सावंताच्या प्रांगणात

सुनामुलाची ही गोडी

सुंदर प्रेमळ युगूलाचा

परिवारही सांस्कृतिक

झळकावेच दोघांचेही

क्षात्रतेज साहित्यिक 

व्हाव्या पूर्ण आकांक्षा

दोघांच्याही आयुष्यात

नवचैतन्यही जागवावे

फलद्रुप हो भविष्यात

जोडी ही सुनामुलाची 

सदाचारी अन् सद्गुणी

सहकार्याचा हात पुढेच

जर मागता मदत कुणी

लाभावे आयुष्य त्यांना

संपन्न नि भरभराटीचे

नको जीवनात दु:खही

चालत्या जगरहाटीचे