साद निसर्गाची
साद निसर्गाची
खळखळ वाहणारा
शुभ्र शीतल प्रपात
वृक्ष वल्ली बहरल्या
येई निसर्गाची साद
साज हिरवा लेऊन
वसुंधरा नटलेली
फळफुले भारलेली
भेटीलागी आतुरली
राने गर्द हिरवाई
मळा रंगीत बहरे
जणू निसर्ग खुणावे
जगी सौंदर्य बघ रे
सूर्य वर्षा थंडी वारा
निसर्गाची रुपे नाना
प्रेम अर्पूनी जगाला
सख्या खुलव जीवना
नको मानवा तू व्यर्थ
जीवनास गमवावे
निसर्गाला मनोभावे
प्रेम सदैव अर्पावे