राजा - राणी

भातुकलीच्या खेळामधले

नेहमीचे दोघे राजाराणी

खेळ रंगी रंगूनी रंगे

रंगत वाढवी मधुर वाणी

राज्य दोघांचे राजा राणीचे

तृप्त आनंदी नितळ मनाचे

खुसूखुसू हसण्यास असे

मित्रमंडळ भोवतालचे

खेळ गप्पा नि चेष्टा विनोद

भातुकलीचा जोर असे

दिसामागून दिस सरले

कसे भराभर नकळतसे

अचानक राजाने केले

चौर्य पलायन दूरदेशी

 राणी मनात हळहळली

असा कसा सखया जाशी?

फरार झाला परदेशी राजा

राणी मनोमनी झुरतसे

डाव अर्ध्यावरी मोडला

शल्य उरामधी डाचतसे