पुन्हा नव्याने एक होऊ

चला गड्यानो ! पुन्हा नव्याने एक होऊ

मना - मनात मानवतेची ज्योत पेटवू

धर्मांधता, जातीयतेला जिवंत गाडू

पुन्हा नव्याने अखंड भारत साकारू

चला गड्यांनो ! मानवतेचा झेंडा रोवू

अमर शहिदांचे स्वप्न साकारताना पाहू

धर्माचा ना पंथाचा मी फक्त भारतीय म्हणू

एकच ध्यास, सगळ्यांचाच विकास प्रत्यक्षात आणू

चला गड्यांनो ! सविनय चळवळीची वेळ आता आलीय

आधीच खूप झालाय उशीर, आणखी व्हायला नकोय

अंधार खूप झालाय सर्वकंष क्रांतीच्या पेटवा मशाली

हरितक्रांतीचे स्वप्नांची पूर्ततेने नांदेल इथे खुशहाली

चला गड्यांनो ! पुन्हा नव्याने माणुसकीची जोडुया नाती

आशेच्या या क्षितिजावरती आकांक्षाची तारे विसावती

विसरुनी सारी व्यर्थ भ्रमंती, समृद्ध बनवूया संबंध धरती

मानवतेचे सैनिक आम्ही झेप घेऊया गगनावरती ...