पोळा
पोळा
रात दिन करी कष्ट
ओल्या मातीच्या रानात
तेल हळद लाऊन
खांदे मळण दारात ।।
बैल राबतो शेतात
धान्य देई पिकवून
सुखी होई घर सारे
मग खातात बसून ।।
घाली आंघोळ जोडीला
पोळा येतो आनंदाचा
देते ओवाळून राणी
घास पुरण पोळीचा ।।
बैल सजून धजून
बांधे येशीला तोरण
झूल घाली अंगावर
आने गावात फिरून। ।।
गाव येशीतून चाले
साऱ्या बैलाचा तो पोळा
नवे कपडे घालून
सारे जन होती गोळा ।।
पाय धुऊन बैलाचे
कुंकू लावते कपाळी
पुजा आरच्या करून
घाली पुरणाची पोळी ।।