लाइब्रेरी
प्रोफाइल
पंढरी
पंढरी
1 min
27K
नाम विठ्ठलाचे मुखी घेऊ या रं
चला लवकर पंढरी जाऊ या ।।धृ।।
आषाढ़ी एकादशी पंढरी वारी
भजन कीर्तन देवाच्या दारी
कान धरुन वाळवंटी नाचूया रं ।।
चंद्रभागेत करूया स्नान
पुंडलीकाचे घेऊया दर्शन
गजर विठ्ठलाचा करूया रं ।।
गोपाळपुऱ्यात गजर होतो
घेऊन पताका भक्त नाचतो
मुखी हरिनाम गाऊया रं ।।
चंदन बुक्का कापूर वाती
पांडूरंगाची करुन आरती
नेत्री सुख सोहळा पाहूया रं।।
