मुखवटे आणि चेहरे

मुखवटे आणि चेहरे, 

चेहेरे आणि मुखवटे, 

असली आणि नकली, 

रंगच जास्त गहिरे

आयुष्याचा रंगमंच ,

वेगवेगळ्या भूमिका, 

वेगवेगळी नाती, 

भूमिका बदलत जाती

बदलते संवाद ,

बदलता रंगमंच, 

एक चूक, 

आणि नात्याचा कायम चा अंत

रंगमंचावर आयुष्याच्या,  

चुका सुधारता येत नाहीत,

कारण गेलेले क्षण कधी , 

परत फिरून येत नाहीत

आयुष्यातली प्रत्येक भूमिका, 

खंबीरपणे वठवावी लागते, 

कधी पडत कधी धडपडत, 

विचारपूर्वक निभवावी लागते

आयुष्याचा रंगमंच,

आणि नाटकाचा रंगमंच, 

फरक जमीन अस्मानाचा, 

असली नकली पणाच्या , 

मुखवटा आणि चेहऱ्याचा.....