पवित्र प्रेमाचे अतूट नाते

एक नातं विश्वासाचं, 

एक नातं प्रेमाचं, 

एक नातं जिव्हाळ्याच, 

एक नात मायेचं. 

सगळी नाती एकाच रूपात, 

भाऊ बहिणीच्या सुंदर नात्यात ,

कधी भांडण कधी मेळ,

कधी मारामारी कधी खेळ .

नातं असं की ,

ज्याला वयाचं नाही बंधन,

भावाचं प्रेम बहिणीची माया,

तशीच राहते चिरंतन . 

बहीण असो लहान वा मोठी, 

तिची माया कधीच नसते खोटी, 

असते तीला नात्याची जाण, 

भाऊ तिचा जीव कि प्राण .

तुझं माझं जमेना,

तुझ्या वाचून गमेना ,

तरी दोघांमध्ये प्रेमाची एक घट्ट रेघ, 

हीच असते या नात्याची खरी मेख. 

राखीच्या एका कच्च्या धाग्यात, 

जन्मभर बांधलेलं पक्क नातं, 

आयुष्यभर असच घट्ट राहतं, 

पवित्र प्रेमाचे अतूट नातं. ..