मनाचे गूढ आडोसे
मनाचे गूढ आडोसे
1 min
152
मन असावं निर्झरासारखं
सदा खळाळणारं
मन असावं प्रपातासारखं
सदा कोसळणारं
मन असावं संगमरवरी
सदा निर्मळ असणारं
मन असावं सरितेसारखं
सतत वाहत रहाणारं
मनालाही थांबावसं वाटतं
गूढ आडोशांच्या आड
काही लपवावसं वाटतं
कधी राग द्वेष उद्वेग चिंता
सगळं मुखवट्याआड असतं
ते बाहेर येतच नाही कधी
आत आत आडोशांच्या राहून
त्याची जाळी बनली जाते
जी मनाला गढूळ बनवते
एकदा मनाला झटकायलाच हवं
गूढ आडोशांच्या आड दडलेलं
बाहेर टाकायलाचं हवं