महामानव

भुकेल्यास देतो अन्न , दुर्बलांस धीर

आंधळ्याची काठी होतो , तोच खरा थोर   (1)

जीवनात ध्येय त्याचे , सेवाभाव हेच

संकटात धाव घेई , पांडुरंग तोच (2)

स्वार्थाचा ना लवलेश , नसे गाजावाजा

दुखल्याखुपल्यांसाठी , दिलदार राजा (3)

सर्वजण समानच , नाही कधी भेदभाव

सर्वांसाठी नित्य धावे , मनी बंधुभाव  (4)

नाव ना कुठे छापतो , नसे प्रसिद्धीत

चित्रगुप्त करी नोंद , तयाच्या खात्यात   (5)

माणुसकी हाच भाव , भाबड्या मनात

परमेश नित्य वसे , पवित्र कार्यात  (6)

देई आशिर्वच दुवे , रंजला गांजला

लागे आयुष्य सार्थकी , मोक्षप्राप्ती त्याला