माता सिद्धिदात्री

माता सिद्धिदात्री |ब्रम्हांड जननी

रूप ते नयनी   | सदा असो  १

नामोल्लेख तव |ग्रंथामध्ये मिळे

दैन्य दूर पळे   | तुझ्या नामे   २

सिद्धि सर्वा देई| असो नारी नर

कृपा निरंतर  | असो नित्य  ३

करिता पुजन   | सिद्धी प्राप्त होते

मन शांत होते   |तुझ्या मुळे    ४

चतुर्भुजा देवी  | चक्र, गदा, करि

धारण तु करी  | सिद्धिदात्री     ५

विराजमान तु  | कमल पुष्पात

जाणते मनात  | काय असे      ६

उपासना नित्य | माते मी करीतो

सुमन अर्पितो |दास म्हणे     ७