रात्र पौर्णिमेची

शीर्षक : रात्र पौर्णिमेची

अजुन आठवे ती 

रात्र मज पौर्णिमेची 

तुझ्या अन माझ्या 

पहिल्या भेटीची     १

तुझ्या अन माझ्या 

बहरलेल्या स्वप्नांची 

शुभ्र चांदण्या रात्री 

मधुर अशा प्रीतीची    २

फुललेला चंद्र अन् 

फुललेली प्रीती 

साक्ष त्या चांदण्यांची 

सखी तु समीप होती  ३

कोजागिरीचा चंद्र 

फिका भासे मजला 

शुभ्र चांदण्यात टिपतो

डोळ्यांनी मी तुजला   ४

जपले आहे हृदयात 

क्षण प्रीतीचे बरोबर 

देतील साथ निरंतर 

स्मृती मज खरोखर    ५

©®सोमदत्त कुलकर्णी 

     हडपसर पुणे