लेक

"लेक जगवा-लेक शिकवा"

तिला जगविल-शिकविल कोण..?

दुजा भाव ठेऊ नका

दुखावते हो तिचे मन..!

         जगवून-शिकवून लेकीला

         देऊ सुसंस्काराचे धडे..

        उद्याची जिजाऊ ती

         फुलविल चैतन्याचे मळे..

सावित्रीची उपासक लेक

हवा तिला थोडा आधार..

खांद्याला खांदा लावून

उचली कुटुंबाचा भार..

          हौशीनं- प्रेमानं शिकवू

          आपल्या पोटच्या लेकीला..

          शिवाजी-फुले- शाहूंच्या

          जपून ठेऊ नेकीला..

मुलगा- मुलगी भेद कशाला

दोघेही आनंदाचे देणे..

लेकीला जगवून-शिकवून

बनवू या नक्षत्रांचे लेणे..