लेक चालली सासरला

लेक चालली सासरला

बापाची ती स्वप्न परी

प्राणपणाने जपले तरी

विश्वासाने सोपवितो तिज

एक नव्या अनोळखी घरी ॥

आईची ती बाहुली सुंदर

संस्कार तिजवरी ती करीतसे

लाडाची अशी नाजूक पणती

दोन्ही घरी प्रकाशतसे ॥

अशी लेक चालली सासरला

सांकव बनूनी दोन्ही घरची

नव्या नात्यांना सांधायला

उधळण करण्या आंनदाची ॥

लेक असे ईश्वराचे लेणे

तरीही सासरी अवहेलना

हुंडयापायी का खुडल्या जाती

कित्येक लेकींना सांगा ना !

लेक असते चैतन्य घराचे

ठाऊक असूनही लोकाना

तरी मग का नष्ट न करिती

दुष्ट अशा या पंरपरांना ॥