भीमा तू शिल्पकार घटनेचा

संविधानाच्या शिल्पकारा ,

दलितांचा जादूगार तू

कैवारी तू भाग्यविधाता

वंचिताचा देवदूत तू ॥

करण्या उद्धार अस्पृश्यांचा

अवतरले हात हे तेजोमय

झटला अविरत ,संघर्ष केला

अनाथांची बनला माय तू ॥

हे कतृत्व , तुझे श्रेष्ठत्व,

आजन्म तू श्रमलास

तुझिया हस्त स्पर्श झाले

पाणी चवदार,केलेस तू ॥

शिक्षणाचा महिमा सांगण्या

झाला प्रेमाचा सागर

काढलेस तू वृत्तपत्रे

निरक्षरां केले साक्षर तू ॥

भीमा ,तू शिल्पकार घटनेचा

उपदेश दिला जनतेला

संघटित व्हा, शिकून सारे

प्रगतीस्तव संघर्ष करा ॥