कुठवर असं चालायचं

कुठवर अस चालायचं 

शोधत नवी वाट 

प्रयत्नांच धुकं भोवती 

साचलय किती दाट 

नव नव शोधताना 

समोर वाढलेलं पडून राहतं 

असलेल्याच समाधान 

उपभोगायचच राहून जातं 

होतो मग पश्चात्ताप 

सारच निसटून गेल्यावर 

दुःखाचा डोंगर उभा राहतो 

अनुभवायच राहून गेल्यावर 

हातच्या गोष्टी अनुभवताना 

आनंद होतो फार 

जीवन जगण्याच खरेतर 

हेच असाव सार 

अपेक्षांच ओझे वागवून 

नका जगू अपराधीपणे 

मिळालेल्या सुखासोबत 

जगत रहा स्वच्छंदीपणे