Library
Profile
कोकणची भाकरी
कोकणची भाकरी
1 min
191
दोन वेळची भाकरी
माय राबी मरमर
कष्ट करी जिवापाड
स्वतः खाई चतकोर (१)
चुलीपाशी बसुनिया
माय रांधी प्रेमभरे
सर्वां तृप्त करण्यास
माय वाढे मायभरे (२)
असायची चणचण
नाही कधी कुरकुर
सदा सुहास्य उमले
तिच्या मुखचंद्रावर (३)
शुभ्र पातळ भाकरी
तांदळाची वाढतसे
हास्य ओठांत डोळ्यांत
तिच्या कसे खुलतसे (४)
जाता आता कोकणात
गोडी नाही भाकरीची
आहे आलबेल सारे
दाटी पंचपक्वान्नांची (५)
हात तिचे राबणारे
नित्य मज आठवती
आता नुरली माऊली
दाटतात आठवणी (६)
