कधीच झालो असतो क्वालिफाय

जरी होती आवड मला

फुटबॉल खेळण्याची

पण घरची परिस्थिती

होती गरीबीची

जाणीव होती मजला

माझ्या जबाबदारीची

कसेही करून मग

धरीली कास नोकरीची

केली होती डिग्री

मी तर आयटीची

म्हणून वाट धरीली मी

कार्पोरेट जगताची

ऊसंत नाही माझ्याकडे

श्वासही घेण्याची

फुर्सत नाही माझ्याकडे

स्वप्ने बघण्याची

तरीही ही खंत मनाची

मनातून जाईना

दाखवत राहतो मग मी

स्वतःसचं आईना

आवडत होते मजला

रोनाल्डो मेस्सी

मी पण होतो त्यांचा

अवतार देशी

देशालाही लागली

एका खेळाडूची हाय

नाहीतर आपण कधीचे

झालो असतो क्वालिफाय