जवान
जवान
सीमेवर तैनात होऊनी
शत्रूचा नाश करतात;
देशाच्या रक्षणार्थ जवान
'एकी'चा जयघोष करतात.
कृतीतून व्यक्त होते
त्यांच्या देशप्रेमाची चाहूल;
देशवासीयांच्या काळजीने
पडते त्यांचे पाऊल.
देशसेवेचे व्रत घेऊन
खेळतात रक्ताची होळी;
ना माहीत घर-संसार
ना माहीत दसरा-दिवाळी.
प्रत्येक क्षण जगतात
ते जीवन-मरणा संग;
डोळे मिटत नाही त्यांचे
पाहिल्याविना तिरंग्याचे रंग.
तिरंगा फडकावा सातासमुद्रापार
सलाम त्याच्या पवित्र्याला;
डोळ्यांत अश्रू येतात
आठवून 'शहीद' जवानाला.