जर ती नसती तर...

जर ती नसती तर , सृजनाचे काम

कोणी केले असते?

लहान भावाला , चिऊकाऊचे घास

कोणी दिले असते?

लहान बहिणीला , प्रेम देऊन

कोणी रिझवले असते?

दोन्ही घरांचे कळस , नववधूशिवाय

कोणी उजळले असते?

प्रेम , माया , आदराने , घराचे घरपण

कुणी टिकवले असते?

वात्सल्याने बाळ जपताना , वाढवताना

कोण रात्रभर जागले असते?

देवघरातल्या देवांचे , मांगल्य ,

पावित्र्य 

कुणी जपले असते?

सायंकाळी , समईच्या मंद तेजात

कुणी प्रार्थिले असते?

स्वतःकडे , कमीपणा घेऊन वादविवाद

कोणी मिटवले असते?

ती नसती तर , जग झाले असते

भयंकर वाळवंट

ब्रम्हदेवाला , कोडे पडले असते

कसे टिकवावे ब्रम्हांड?

ती नसती तरची , कल्पनाच करवेना मनी

ती आहे म्हणूनच , विश्व आहे टिकूनी