जगात स्वप्नांच्या

असा येई स्वपनात

जरा चोर पाऊलांनी

माझं बाळ झोपलेलं

बघ जाईल उठूनी

माझ्या दुःखाची ओंजळ

तुझ्पा ओंजळीत रिती

माझ्या मनीचा सुगंध

तुझे ओठ त्याला गाती

तुला सांगायची होती

एक झिम्माड गंमत

चांदण्यांनी नटलेले

शांत निवांत आकाश

पानफुले नक्षत्रांची

टांगलेली आभाळाला

जसा गहिऱ्या डोहात

थवा हंसांचा पांगला

शांत निरव आकाश

त्याला ढगांची दुलई

मीही निवांत झोपले

जगी स्वप्नांच्या जादुई

उलगडेन मी म्हणते

माझ्या मनीचा आरसा

काय सांगावे जिवाचे

नाही क्षणाचा भरोसा