साथ तुझी

साथ तुझीच पाहीजे होती

जिवनाच्या सारीपाटावर

दोघे जण बसलो असतो

पिंपळाच्या रात्री पारावर

हातात हात गळ्यात गळा

नजर मात्र क्षितीजावर

चित्र रेखीत ऊभे असतो

मऊशार ओल्या रेतीवर

ओले चिंब झालोच असतो

पावसाच्पा गोड तालावर

गार वारा झेलत असतो

ओलेत्याने ऊभ्या देहावर

पाऊस गारा उधाण वारा

निसर्गाच्या वेड्या तालावर

वेडे होऊन धुंद असतो

ओढयाच्या सुरेल चालीवर

रान केवडा माळला असता

केसांच्या बांधल्या जुळ्यावर

छान कविता केली असती

तुझ्या माझ्या गाढ प्रेमावर

पण प्राक्तन अबोध वेडया

नसते आपल्या मनावर

गीत आपले लिहीले गेले

विरहामध्ये त्या जळण्यावर