ओटी खणा-नारळाची

आदिमाया प्रकटली

तीच्या कृपेचा कहर

भक्तीभावे मी करीते

नवरात्रीचा जागर

पुजेसाठी आईच्या मी

पहा गोंधळ मांडला

नऊ दिस उपवास

 मोह अन्नाचा सोडला

कधी चंडीका स्वरूप

कधी प्रतिमा दुर्गेची

अष्टभुजा माय माझी

ओटी खणा-नारळाची

करी भक्तांवरी कृपा

आदिमाय जगदंबा

नैवदयाला मी वाहते

लालनारींगीं डाळींबा

नऊ दिस नऊ रंगी

साडी चोळीचं लेवणं

वडा हलवा पुरीचं

माझ्या मायेचं जेवणं

माझ्या गोंधळाला यावे

माझ्या मायेला भेटावे

जन्ममरणाचे फेरे

आदिमायेनी तोड़ावे