सांजवेळ

बघ सांजवेळ झाली 

रवि अस्त आज झाला

 येती पाखरे दमलेली

घरट्यात आश्रयाला

उजळोनी दिपज्योती

जोडोनिया हात दोन्ही

घरी शुभं करोतीचे

पडतात सूर कानी

तुळशीपुढे दिव्याची

हळू ज्योत तेवतांना

तीत देव पाहीला मी

मळ वाट दावतांना

गाई सुसाट सुटल्या

पळता भुईही थोडी

गोठयातली वासरेही

हंबरूनी झाली वेडी

अंगणात ही जुईही

थोड़ी मलुल झाली

ती बोलली कळ्यांना

निजण्याची वेळ झाली

वाहणारा मंद वारा

सुस्तावूनी बोलला तो

चला थांबूया गडयांनो

बघा झोपला रवि तो