कोजागिरी ही पर्वणी

पूर्ण चंद्र पाहण्याची

कोजागिरी ही पर्वणी

चांदण्यात नाहण्याची

रात्र आज ही देखणी

बघ चुल पेटलेली

शुभ्र दुध आटण्याची

चंद्रासही झाली घाई

अमृतास धाडण्याची

मधु चांदणे नभीचे

तालावरी नाचतीते

जपतात शैशवाला

गाऊनीया गोड गीते

ह्वदयात अमृताचा

घेऊनीया कुंभ आला

माय लक्षुमीच्या हाती

आहे अमृताचा पेला

शारदिय पौर्णिमेचे

शुभ्र चांदणे निखळ

सौंदर्य ते टिपावया

पडे अपुरी ओंजळ

कुंभ घेऊन निघाली

कोण करी जागरण

कोण आहे तो जागता

त्याला द्यावयाचे धन

धन लुटण्या साठीच

कोजागीरी ही पर्वणी

रहा जागतरे कुंभ

 लक्ष्मी येईल घेऊनी