एकटा पडलो तरी लढलो
एकटा पडलो तरी लढलो
एकटा मी विचारांचा
अन् आभासी दुनियेचा
दूनियाच्या गर्दीतून
बाहेर पडलेलो एकटा
एकटा पडलो तरी लढलो
निस्वार्थ मनाला संकटे आली
वादळ आल,वारा आला
पुन्हा त्या जोशात सकाळ झाली
स्वतःच्या स्वार्थासाठी
येथे रस्सीखेच दिसते
दुसऱ्याला तुडवून आपणच
सर्वकाही आहे असे जगाला वाटते
या पांघरलेल्या आकाशाखाली
तू एकटा जरी पडला
जिंकणे जरी नाही जमले
तू चालत रहा एकटा या वाटेवर
हात देणारेही भेटतील
फक्त तू खचू नको
संघर्षाची तयारी कर
कधी एकटा पडल्यावर
माझ्या या लेखणीला
शब्दांची धार आहे
एकटा जरी पडलो
महापुरुषांचा आधार आहे