संस्कृती
संस्कृती
प्रत्येक जण इथे
संस्कृती विसरला
आणि थोरा मोठ्यांचा
मानसन्मान विसरला...
कारण 'संस्कार' या शब्दाला
अर्थ न उरला
जसा माणसातला
माणूसच सरला...
बदलली सर्व काया
बदलले सर्व विचार
बदलली जशी संस्कृती
तसे बदलले आचार...
आई बाबांची जागा आता
मम्मी - डॅडीने घेतली
आणि वृद्धांची जागा
वृद्ध आश्रमात उरली...
गाण्याची मैफिल
जशी बारमध्ये रंगली
प्रत्येकाची भावना तशी
वेशीला टांगली...
नमस्काराची जागा इथे
हाय - हॅलो ने घेतली
आणि पायावर डोके ठेवण्याची
रीतच मोडली...
कुंकवाची जागा
टिकलीने घेतली
आणि कुंकवाची डबी
धुराड्यात पडली...
आजची पिढी फक्त
फॅशनमध्ये अडकली
कपड्यांची कमी सोडा पण
विचारानेही तोकडी पडली...