तो आणि ती
तो आणि ती
मंद हवा आणि गारवा
दोघांमध्ये वर्षाव प्रेमाचा व्हावा
अलगद तिची नजर
नजरेला त्याच्या भिडली
त्याच्या हृदयात जणू
विजच कडाडली
तिच्या ओठावर उमलली
हास्याची कळी आणि
क्षणात पावसाने
बरसायला सुरुवात केली
तिच्या मनातली गोष्ट
तिच्याच डोळ्यात वाचली
परकी जरी ती त्यास
आज ती त्याला त्याची भासली
तो ही मंत्रमुग्ध झाला पावसात
कारण तिलाही आवडायची बरसात
पावसाने भारी धरला जोर
त्याच्या मनातला पकडला तिने चोर
नकळत तो तिच्या मिठीत गेला
पावसाच्या सरीत बेधुंद झाला...