लाइब्रेरी
प्रोफाइल
हरवली हो पाखरं
हरवली हो पाखरं
1 min
240
चिवचिवणारी पिल्लं
मन अतीव सुखावे
खेळ खेळताना वेळ
पळे वाऱ्याच्या वेगाने
बळ येताच पंखात
झेप घेतली गगनी
विस्तारत्या क्षितीजानी
मन भरे कौतुकानी
झगमगणारा देश
भूल पडली मायावी
परदेशी रमुनिया
आपुलकी विसरावी?
अभिमान स्वदेशाचा
कसा पडला गळुनी!!
उमलत्या पाखरांनी
का बरे जावे उडूनी?
आर्त डोळे लागलेले
पाखरांच्या देशाकडे
हरवली हो पाखरं!!
रडे माझे मन वेडे!!
