होईन मी राणी

खरच कंटाळले

मी या जीवनात

चपाती लाटून लाटून

आयुष्य गेले स्वयंपाकात

आई हवा लाडू

तर नवऱ्याची फरमाईश दुसरी

सासू मागते कॉफी

तर एवढ्यात पाहुणे आले घरी

केवढा हा पसारा

जिंदगीने मांडला

नाकीनऊ आले आता

बोका आत्ताच माझ्याशी भांडला!!

रोज म्हणते 

फिरायला जाऊ

कुल्फी चॉकलेट 

घरी आणू

पण काय करायचे

तेवढ्यात टपकतात घरी

शेजारचे नानू!!

शेवटी बसते चूप

समाधानी रहाते

होईल कधीतरी मी पण क्वीन

असे मनाला रोज समजावते!!