भारूड

भारूड

सत्वर पाव गं मला I

भवानी आई ऑनलाईन पाहिल तुला ॥ धृ. ॥

सासरा सारखा चहाच मागतो I

शूगरच होवू दे गं त्याला ॥ १ ॥

सासू माझी बारीक लक्ष ठेवी |

मोतिबिंदु होवू दे तिला ॥ २ ॥

ननंद सारखी माहेरी येते I

फोन रेंज मिळो ना तिला ॥ ३ ॥

ननंदेचं पोरगं कार्टुनच पाहते |

रिमोट हाती नको लागू देवू त्याला ॥ ४ ॥

दिर माझा घरीच राहतो I

गर्ल फ्रेंड मिळू दे ग त्याला ॥ ५ ॥

आलेला पाहुणा जाई न लवकर I

घरची आठवण होवू दे त्याला ॥ ६ ॥

घरचे कुठे बाहेर न जाती |

फ्री टूर व्हावचर मिळू दे त्याला ॥ ७ ॥

दादला माझा दिस रात खपतोय |

दोन दिवस सुट्टी मिळू दे त्याला ॥ ८ ॥

सारखं उसणं मागतो बाजूचा | 

भिकारीच कर ग शेजाऱ्याला ॥ ९ ॥

उधारीवाले कटकट करती |

विसरून जावोत ती उधारीला ॥ १० ॥

सगळयांचे भले होवू दे ग

पण नंबर माझाच पाहिला ॥ ११ ॥