विनोदी संवाद

*बायको* 

बाजूला मी असून सुद्धा

ह्याच लक्ष सतत बाहेर,

इकडे तरी आवर घाल नजरेला

हे आहे माझे माहेर.

*नवरा*

माहेरी जायचं म्हटलं की

करते तयारी पटपट,

घरी चल म्हटलं की

नेहमीच हिची कटकट.

*बायको*

तो केसात गजरा माळतो

तेव्हा मी जाते बावरून,

तेवढ्यातच म्हणतो कसा एक गजरा

मैत्रिणी ला यतेसे का देऊन.

*नवरा*

येता जाता माझ्याकडे

संशयाने बघत असते,

पाणी तर आणून देत नाही

मोबाईल पहिला चेक करते.

*बायको*

पाऊस सुरू असतानाही

छत्री विसरून घरी येतो,

भिजायचं मूड होता 

अस खोटं कारण सांगतो.

*नवरा*

दिवाळी असो वा दसरा

माझ्या कडून घेते काम करून,

जाऊन बसते सोफ्यावर 

आणि म्हणते चहा देतोस का करून.

*बायको*

केलेल्या कामच त्याला

कधीच कौतुक नसतं,

घरीच तर असतेस

दुसरं काम काय असतं.

*नवरा*

जेवणाच्या ताटात असतोच

हीच लांब सडक केस,

शर्ट चा डाग तर जात नाही

काढते भरपूर फेस.

*नवरा*

खूपच बोललो आज 

आता काही खरं नाही,

बायको माझी गुणांची

तिच्या इतकं प्रेमळ कुणीच नाही.

*बायको*

आता ह्या पुढे मी

काहीच बोलणार नाही,

दिली नवऱ्या तुला एक

संधी मी आता लिहिणार नाही.

*नवरा*

तू असलीस कवियत्री

तर मी ही तुझाच कवी,

हसत हसत वाचूया

आपण लिहिलेल्या ओळी