धम्मचक्र प्रवर्तन

नागपूरच्या दीक्षाभूमी देऊनी दीक्षा

बहुजनांना मिळाली समतेची भिक्षा

जीवनाचे कल्याण तव जाहले

कोटी कोटी हृदयात बुद्ध कोरले

जगकल्याणाचा एकच मार्ग दिला

बुद्ध धम्माचा प्रसार केला

क्रांतीचा जय भीम नावाचा

साऱ्या जगात निनाद झाला

मनुस्मृती जाळून बाबाने केली

लढाई मानवतेच्या हक्कासाठी

बुद्ध, कबीर, फुलेंचा विचार

रुजविला जनमाणसांमधी

नव्हता प्रवेश कोणत्याच मंदिरी

शुद्रत्वाचा ठपका होता जीवनी

दिला सर्वांना समान अधिकार

उभारली नागपुरी आमुची पंढरी

 बुद्धाचा धम्म देऊन बाबाने

केले समस्त जीवनाचे सोने

कोटी कोटी या बहुजनांना 

मिळाले धम्मरूपी हे देणे