माय मराठी
माय मराठी
माय मराठी भाषेची
किर्ती जगात गाऊ
गोडवा तिच्या बोलीचा
सर्वांच्या मुखी पाहू
मनामनात अधिराज्य तिचे
गाजत राहील थाटात
समृद्धी अन् संस्कृती
वाढत राहील जगात
तिनेच शिकवले बोलायला
जन्मल्यापासून या जगात
म्हणून लळा मराठी भाषेचा
रुजलाय मना मनात
नाते जोडले तिने नेहमी
साहित्याशी आपलेपणाचे
व्यक्त व्हायला शिकवले
अन् शब्दात मांडण्याचे
अभिमान आम्हा आहे
हीच भाषा आमुची थोर
रानावनात गावागावात
करू मराठी भाषा जागर