बाबा...

अंधारलेल्या या जीवनाला

बाबा प्रकाश तुम्ही दिला 

उपेक्षित या समाजाचा

उद्धार तुम्ही केला

शिकवून संघटित करून 

ज्ञानाचा सागर खुला केला

संघर्ष करून जीवनात

क्रांतीचा लढा उभारला

नव्हता अधिकार जगण्याचा

माणूस म्हणून या जीवाला

जाळून त्या मनूस्मृतीला 

समानता दिली भारताला

सन्मानाने जगण्यासाठी

समाज जागा केला

कल्याण होण्या सर्वांचं

बुद्धाचा धम्म दिला

गुलामगिरीच्या विळख्याच

तोडलं ते काटेरी बंधन

स्वातंत्र्य देऊन वंचिताना

मायेचा निवारा दिला

खूप सोसले तुम्ही कष्ट

जागले कित्येक रात्रीला

लिहून संविधान देशाचे

घडवलं नवभारताला

इतिहास ज्यांनी घडविला 

स्मरूनी त्यांच्या स्मृतीला 

कोटी कोटी प्रणाम आमुचे 

युगपुरूष महामानवाला