कधी विचार असे येतात...

कधी विचार असे येतात

हास्य ओठावरचे पुसून टाकतात

धावत्या या जगात एकटेच सोडतात

वृक्षावरची पानेसुद्धा मरगळतात

अशा वेळी धैर्य देणारे

तुझे बोल मला हवेत

कधी विचार असे येतात

गरुडझेप अवकाशात मारून बघावी

गवसलेली पंख तशीच जपावी

अशावेळी पंखात सामर्थ्य देणारी

तुझी हिम्मत मला हवी

कधी विचार असे येतात

दगडाला आकार देताना

स्वतःच्या जीवनाला आकार द्यावा

काट्यावरचा रस्ता मार्ग शोधत

अशावेळी मार्ग दाखवणारे

तुझे दिशातंत्र मला हवे

कधी विचार असे येतात

स्वप्न पाहणाऱ्या या जगतात

कवींच्या ओळीला ओळ द्यावी

तुझ्या मनातली अन् माझ्या मनातली कविता

सदैव जिवंत अन् गात रहावी