विजयादशमी

परतीचा पडतो पाऊस

डोंगरमाथा धुण्याची त्याला हौस

मनापासुन त्याला घालायचे अभ्यंगस्नान अमृतधारांनी

पानाफुलांनी दरी ही जाते बहरुनी

कड्याकपारीतुन खळखळणारा वाहतौ हा झरा

दुरुन बघण्यासाठी नयनरम्य निसर्ग खरा

धरतीवर उतरतो स्वर्ग 

दुर्गेला दिसला हा सुंदर मार्ग

नवरात्रीच्या नऊ रात्री अष्टलक्ष्मीचा वास

श्वासाची अखंड अगरबत्ती खास

मनाच्या गाभार्‍यात देवीचे स्थान भव्य

तेवणार्‍या नेत्रज्योतींचा दिवा, प्रकाश दिव्य

मानाचा नेवैद्य कंदी पेढे

प्रत्यक्ष दर्शनाची आस 

मागणी करते हे मन वेडे

तुझ्या महान शक्तीने केले तु दैत्यांना ठार

विजयाचा होम केला, आनंदिली तु फार

होमामध्ये चंदन लाकूड, वाहिले गायीचे तुप, श्रीफळ

जीवन संघर्ष करण्याला ,आई तु देते स्त्रियांना बळ

संकट निवारण्याची आळवितो आरती

अष्टलक्ष्मी तु विष्णुची

त्रिवार वंदन तुला, तु खरी स्त्री शक्ती

चरणकमळी नमवितो शीर, मानाचा मुजरा 

घराघरात साजरा होतो विजयाचा दसरा

दसर्‍याला श्रीखंड पुरी

विनवणी तुला वाईटाच्या नाशासाठी

तु रहा कायम भुमिवरी ||