स्वातंत्र्य दिन
स्वातंत्र्य दिन
1 min
232
स्वातंत्र्याची सुवर्ण सकाळ
देई स्फूर्ती भारतीयांत
त्याग आणि बलिदानाची
जाणीव राहील मनात
नंदनवनपरी नटलेले काश्मिर
प्रत्येकाचा जीव की प्राण
दुष्मनांच्या गोळीचा मार
झेलताहेत इथले जवान
स्वातंत्र्य, समता व बंधुता
देई देशभक्तीचा मान
त्यातूनच घडेल उद्याचा
माझा भारत देश महान
सुजलाम सुफलाम या भूमीवर
करूया चला नवनिर्माण
जातीभेदाच्या भिंती तोडून
तिरंग्याचा राखू मान
विज्ञान व तंत्रज्ञानाच्या क्रांतीने
घडेल उद्याचा महासत्ता भारत
विजयपताका भारत भूमीची
मग फडकेल डौलाने जगात