अंकुराची कहाणी

भेगाळल्या मातीमधी

माझी जिंदगाणी सारी

वर उनाड जीवन

बहर आला शिवारी 

पाणी पावसाची वाट

रोज पाहतोय शेतकरी

वाचवण्या माझा अंकुर

स्वतःला टांगतो जिव्हारी

रात्रंदिन करून आटापिटा

पुरवतोय रसद पाणी

वाचा जरी नाही मला

खुलवतो माझी जिंदगाणी

उमेद शेतकरी राजाची

बहरून यावी या शिवारी

भार पेलूनी ढेकळाचा

घेतोय नवी उभारी

नात जन्मोजन्मीच मातीशी

सदा लागतो तिचा लळा

समद्या शिवारात फुलेल उद्या

हिरव्या पिकांचा रानमळा