डोळ्यातलं पाणी दे आता वाहू

ती- किती सतावशील रे सख्या...

किती वेळ फक्त तुला फोटोतच पाहू...

ये समोर अचानक कधीतरी

डोळ्यातलं पाणी दे आता वाहू...

तो- बघ सखे निरखून तू आरशास एकदा

डोळ्यातल्या डोहात तुझ्या किती लपून राहू...

भास होईल तुला माझाच सारखा

सांभाळ थोडं स्वतःला अशी नको हरवून जाऊ...

ती- नको ना रे कवितेचे हे बंध

तूच नको मला असं हरवून देऊ...

शोधण्याच्या बहाण्याने ये तरी आता

समोर उभा राहून मागे काहीच नको ठेऊ...

तो- मी कधीचाच तर उभा आहे वाटेवर त्या,

तुझं येणं बाकी असताना मी किती वाट पाहू...

हो मी ही तेच म्हणेल जे तू म्हणतेस

डोळ्यातलं पाणी दे आता वाहू....