तू जगणं शिकवलंस

बघ ना 

हा पाऊस 

बेधुंद होऊन बरसतो ना

तेंव्हा उन्हाने त्रासलेली श्रुष्टी

कशी नवचैतन्य ओढून घेते

असंख्य जीवांना खरं तर ती जागं करते

आणि जगायला शिकवते

ही सर्व कमाल असते ती पावसाची

(काही ठिकाणी हा पाऊस जीवघेणा ठरतो तो भाग वेगळा)

खरं तर मुद्दा असा आहे की 

तुझी भेट ही पावसातलीच 

या आधीही तुझं भेटणं झालं होतं 

पण या वेळेची तुझी भेट नव्याने झाली

आपल्यातली मैत्री वाढली

मैत्रिपोटीच का होईना 

पण समरस होऊन प्रेम करणं वाढलं

जवळीकता, मिठी, चुंबन, 

या सर्वांची ओढ वाढली

खरंतर हा भाग सोडला तर 

काळजी करणं, आधार देणं, समजून घेणं

याच गोष्टी महत्त्वाच्या ठरल्या

यातच माझ्या कविता रंगल्या

आणि त्या तू वाचून आनंदी झालीस

तुझं बहरणं

तुझं हसणं

आणि महत्वाचं तुझं माझ्या जीवनात असणं

या गोष्टी माझ्या प्रेमाच्या प्रतीक झाल्या

मी जरी तुला हसणं शिकवलं असलं तरी

तू मात्र मला जगणं शिकवलं आहेस

काय ग..?

वाचतीयेस ना...?